Вырабляем сабе IDE для Opera Widgets, а таксама Betavine

6 комментариев
Вырабляем сабе IDE для Opera Widgets, а таксама Betavine
Operating System: Windows XP SP2 Pro Target User Level: Advanced Language Knowledge: English Intermediate У мяне ўжо быў досьвед стварэньня мабільных віджэтаў на базе Motorola Widgets. А зараз паступіла замова на распрацоўку яшчэ й пад плятформу Opera Widgets. Калі Motorola хаця б прадстаўляе сякую-такую IDE, пабудаваную на Eclipse, і эмулятар (варта адцеміць, вельмі глюкавы), дык Opera пайшла ў гэтым пляне яшчэ далей. Тут мы маем скрыпт Ant і гартач. :) Вядома-ж мяне такі расклад не задаволіў. І я сунуўся шукаць альтэрнатываў. Ну па-першае, што нам з тым скрыптом рабіць? Betavine-аўцы стварылі для нас Widget Packager, плёну зь якога, на жаль, ня шмат. Ён быццам бы як і мусіць праганяць скрыпт із build.xml праз Ant, але ўзапраўды я акрамя alert-a аб тым, што скрыпт ня можа быць загружаны, не атрымаў. Ну што ж, давядзецца праганяць скрыпт рукамі. Давайце-ка мы з вамі ўсталюем Ant, таму што ён нам яшчэ спатрэбіцца пазьней. Ставім Ant Гэтая нататка скіраваная галоўным чынам на тую катэгорыю распрацоўнікаў, у якіх Ant ужо даўно ўсталяваны, але ж давайце запэўнімся, што ўсё ў нас менавіта так, як мае быць, бо я буду адштурхоўвацца ад гэтай наладкі й надалей. Ідзем на сайт apache.org і шчыльна прытрымліваемся да інструкцыі. Зьліваем "latest stable binary edition". Распакоўваем, напрыклад, у C:\Ant. Потым ствараем сабе environment variable ANT_HOME і задаем у якасьці значэньня сьцежку да таго каталёгу, у каторы быў распакаваны Ant. Добра, калі вы ўжо маеце пераменную JAVA_HOME. Калі не, дык стварыце яе і пазначце ў якасьці значэньня сьцежку да JDK. Сыходзім у рэбут. Праверым, як працуе Ant. Заходзім у кансоль і ўбіваем ant. Калі ўсё добра, вынік будзе такога кшталту:
Buildfile: build.xml does not exist!
Build failed
Спадзяюся ў вас усё так. Цяпер, калі выканаць тую ж каманду ў працоўнай дырэкторыі праэкту, вы атрымаеце нанова створаны каталёг dist, які й будзе ўтрымліваць файл з widget-ам. Ужо значна лепей, але ўсё роўна да IDE тут далёка. Бо маем мы справу з па-сутнасьці вэб-праэктам, за IDE возьмем Aptana. Адразу са скрынкі яна нічога пра Opera Widget-ы ня ведае. Дык давайце іх пазнаёмім! Навучаем Aptana працаваць з Opera Widget-амі Адзінае, для чаго добра падыходзіць Widget Packager, гэта для стварэньня першапачатковай структуры праэкта. Зрабіць гэта проста. Дастаткова націснуць на New у інтэрфэйсе праграмы. Як стварылі, адразу зачыняйце праграму. Болей яна нам не спатрэбіцца. Зараз праз Aptana таксама робім выгляд, што хацім стварыць новы праэкт, а самі ў якасьці Location пазначаем дырэкторыю з ужо створанай структурай. Імя задаем па жаданьню. Вы можаце заўважыць, што IDE самавольна дадала файл index.html да кораню праэкту. Выдаліце яго. У нас ужо ёсьць адзін у тэчцы src. Апошняе, чаго нам с вамі засталося дасягнуць, гэта аўтаматычнага выкліканьня build.xml (такім жа чынам, як гэта адбываецца пры напісаньні Motorola Widget-аў, Android праэктаў, Flex і г.д.). Дзеля гэтага правым гузікам па праэкту - Properties - Builders - New... - Program - Ok. У адлюстраваным дыялёгу задаем любое прывабнае вам імя. Для Location усталёўваем значэньне
${env_var:ANT_HOME}\bin\ant.bat
. Памятаеце, я вас пытаў стварыць ANT_HOME? Вось яно нам і спатрэбілася. Мажліва, канешне, і поўную сьцежку задаць, але гэта ня наш мэтад. Working Directory - у нашым выпадку, гэта дырэкторыя з праэктам (там, дзе утрымліваецца build.xml):
${build_project}
. Зараз пераходзім у катэгорыю Build Options і адзначаем Launch in background, After a Clean, During manual builds, During auto builds. Націсьніце Apply і паспрабуйце штосьці зьмяніць у праэкце, а потым захаваць. У кансолі адразу пабягуць радкі дыягностыкі, а ў каталёгу з build.xml вы пабачыце dist з вашым каштоўным *.wgt. Вось такія простыя крокі для прыемнай аўтаматызацыі, якая пазбавіць вас ад што-дзённай руціны. Творчых вам посьпехаў, а я пайшоў дапісываць свой widget. :) P.S. Мой Motorola Widget заняў першае мейсца ў катэгорыі Social Networking/Photos у адмысловым спаборніцтве, якое учыніла сама Motorola дзеля папулярызацыі сваёй плятформы, і якое скончылася тыдзень таму.

Хотите сообщить важную новость?

Пишите в наш Телеграм

Читайте также

В обновлённом Opera улучшена конфиденциальность и на 20% увеличена скорость работы
В обновлённом Opera улучшена конфиденциальность и на 20% увеличена скорость работы
В обновлённом Opera улучшена конфиденциальность и на 20% увеличена скорость работы
Opera запустила блокчейн-браузер для iOS
Opera запустила блокчейн-браузер для iOS
Opera запустила блокчейн-браузер для iOS
Opera создала первый в мире браузер для геймеров
Opera создала первый в мире браузер для геймеров
Opera создала первый в мире браузер для геймеров
1 комментарий
Opera встроила VPN в браузер для Android
Opera встроила VPN в браузер для Android
Opera встроила VPN в браузер для Android

Обсуждение

-1

Прекратите издеваться над родным языком

-1

А дзе тут зьдзек? :)

Anonymous
Anonymous
0

во-во).. тарашкевіца ці афіцыйны, ды ўвогуле ня бачу праблемы існаваньня абодзьвух варыянтаў, разумець няцяжка... а які варыянт ранейшы, лепшы, зьздек гэта ці не - дык гэта ўвогуле асобная доўгая размова і не на dev.by))...
p.s. каму не падабаецца "праЭкт, "плЯтформа", глядзіце на гэта прасьцей - гэта дыялект, які мае права на існаваньне).

1

спасибо за адекватную статью, а то "про кризис" совсем уж надоело

2

каждый раз, когда статья написана по-беларуски, вместо обсуждения темы обсуждаем язык. надоело! смысл понятен - и этого вполне достаточно.

Tee  Key
Tee Key engeneer в A1 (Унитарное предприятие "А1")
-1

Сорри за офф, НО бог с ним с "праЭктом" или "плЯтформай". Кто научил писать на заглавной "поўнасьцяй"????? Москализм-перевёртыш какой-то... Есть ведь замечательное беларуское "цалкам"... Аж глаза режет.

Спасибо! 

Получать рассылки dev.by про белорусское ИТ

Что-то пошло не так. Попробуйте позже