Спецыялісты з кампаніі Braintree стварылі незвычайную трохмерную візуалізацыю розных праектаў на GitHub. Праект Codeology дэманструе, якія мовы праграмавання выкарыстоўваюцца ў тым ці іншым праекце, піша Ain.ua.
Візуалізацыя пабудавана на агульнадаступным API сэрвісу, таму на сайце можна знайсці любы з існуючых праектаў па назве, уключна з зыходным кодам ядра Linux. Кожны з праектаў прадстаўлены ў выглядзе 3D-фармацыі з ўчасткамі рознага колеру. Візуалізацыі створаны з выкарыстаннем WebGL, Three.js і GLSL Shaders.
Кожны каляровы ўчастак уяўляе сабой кавалак праекта, напісаны на пэўнай мове праграмавання. Яго памеры паказваюць на тое, які аб'ём коду быў напісаны на канкрэтнай мове.
Любую з выяваў можна загрузіць як застаўку для працоўнага стала ці гіфку, альбо перайсці з яе ў Github, каб вывучыць код, які за ім хаваецца.
Релоцировались? Теперь вы можете комментировать без верификации аккаунта.